ថ្លែងក្នុងពិធីប្រគល់សញ្ញាបត្រជូនដល់និស្សិតជ័យលាភីនៃសាកលវិទ្យាល័យ អាស៊ី អឺរ៉ុប រាជធានីភ្នំពេញ នៅថ្ងៃទី២ ខែតុលា ឆ្នាំ២០២៦ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាមានប្រសាសន៍ថា ខណៈការប្រើប្រាស់ AI កំពុងមានកំណើនមិនថា តែនៅកម្ពុជាឬនៅទូទាំងសកលលោកនោះទេ ដូច្នេះត្រូវចេះប្រើAI ដោយវិជ្ជាជីវៈ គុណធម៌ និងក្រមសីលធម៌ ហើយអ្វីកាន់តែសំខាន់ត្រូវប្រើប្រព័ន្ធបញ្ញាសិប្បនិម្មិតនេះ ធ្វើជាជំនួយការវិញ ដោយកុំ AI ធ្វើជាមេដឹកនាំមុខ។

សម្ដេចធិបតីនាយករដ្ឋមន្រ្ដីក៏បានបង្ហាញការបារម្ភចំពោះ AI ថែមទៀតថា បើសិនជាម្នាក់ៗពឹងផ្អែកលើ AI ពេកយូរៗទៅ AI នឹងក្លាយទៅជាអ្នកសម្រេចចិត្តឱ្យមនុស្សដែលនេះគឺជាគ្រោះថ្នាក់បំផុត។

សម្ដេចធិបតីមានប្រសាសន៍ទៀតថា ម៉ាស៊ីនទោះបីពូកែយ៉ាងណាក៏មិនដូចមនុស្សដែរ ខណៈការសម្រេចចិត្តរបស់មនុស្សផ្អែកទៅលើកត្តាច្រើន គឺកត្តាវប្បធម៌ កត្តាអារម្មណ៍ កត្តាមនោសញ្ចេតនា កត្តាកាលៈទេសៈ ។ ដូច្នេះបើមនុស្សចាប់ផ្ដើមប្រើហើយ ពឹងផ្អែកទាំងស្រុងលើ AI គឺចប់ហើយ៕