|
លោក ឆាយ ឫទ្ធិសែន ចុះពិនិត្យស្ថានភាពផ្លូវដែលរងការខូចខាត ជាប្រភេទផ្លូវក្រាលល្បាយក្រួសនៅស្រុកត្រាំកក់
ថ្ងៃទី ៖ 01-08-2024, ដោយ admin , 189 Views
តាកែវ : លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងថ្នាក់ដឹកនាំក្រសួង ព្រមទាំងអាជ្ញាធរមូលដ្ឋាន នៅថ្ងៃទី០១ ខែសីហា ឆ្នាំ២០២៤ បានអញ្ជើញចុះពិនិត្យស្ថានភាពផ្លូវដែលរងការខូចខាត ជាប្រភេទផ្លូវក្រាលល្បាយក្រួសចំនួន ១ខ្សែប្រវែង ៩ ១០០ម៉ែត្រ ទទឹង ៥ម៉ែត្រ មានទីតាំងតភ្ជាប់ពីផ្លូវជាតិលេខ ៣ ត្រង់ចំណុចភូមិត្រពាំងគៀត ឃុំឧត្ដមសូរិយា ស្រុកត្រាំកក់ ទៅភ្ជាប់នឹងផ្លូវជាតិលេខ ២ ត្រង់ចំណុចភូមិស្វាយព្រៃ ឃុំលំចង់ ស្រុកសំរោង ខេត្តតាកែវ ។
ខ្សែផ្លូវនេះបានត្រូវបានដាក់ក្នុងផែនការសាងសង់ជាផ្លូវក្រាលកៅស៊ូពីរជាន់ DBST និងក្រាលបេតុង ហើយនឹងត្រូវចាប់ផ្តើមស្ថាបនានាចុងឆ្នាំ២០២៤នេះក្រោមគម្រោងខ្សែច្រវាក់ផលិតកម្មដោយភាតរៈបរិស្ថាន ដែលអនុវត្តដោយក្រសួងចំនួន ៣ រួមគ្នាគឺ ក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រមាញ់និងនេសាទ និងក្រសួងធនធានទឹក និងឧតុនិយម៕
|