ថ្លែងក្នុងកិច្ចប្រជុំត្រៀមរៀបចំ សន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់អាជ្ញាធរជាតិប្រយុទ្ធប្រឆាំងគ្រឿងញៀន និងផ្សព្វផ្សាយផែនការយុទ្ធនាការប្រយុទ្ធប្រឆាំងគ្រឿងគ្រឿងញៀនខុសច្បាប់ លើកទី១១ នៅព្រឹកថ្ងៃទី២ ខែមីនា ឆ្នាំ២០២៦នេះ លោកសន្ដិបណ្ឌិត នេត សាវឿន ឧបនាយករដ្ឋមន្ដ្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានណែនាំដល់អគ្គលេខាធិការដ្ឋាន និងនាយកដ្ឋានជំនាញ នៃអាជ្ញាធរជាតិប្រយុទ្ធប្រឆាំងគ្រឿងញៀន ត្រូវរៀបចំផែនការសកម្មភាពការងារឱ្យបានច្បាស់លាស់ សំដៅពង្រឹងរបៀបរបបការងារ និងប្រើប្រាស់យន្ដការ MoU ជាមួយវិស័យឯកជន ដើម្បីចូលរួមចំណែកការងារប្រយុទ្ធប្រឆាំងគ្រឿងញៀន ឲ្យកាន់តែមានប្រសិទ្ធភាពបន្ថែមទៀត។

ឧបនាយករដ្ឋមន្ដ្រី នេត សាវឿន បានធ្វើការឯកភាព និងវាយតម្លៃខ្ពស់ចំពោះអ្វីដែលថ្នាក់ដឹកនាំអគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន សហការជាមួយភាគីពាក់ព័ន្ធ ទាំងខុទ្ទកាល័យរបស់លោកសន្ដិបណ្ឌិតផ្ទាល់ ក្នុងការបែងចែកតួនាទីភារកិច្ច និងការទទួលខុសត្រូវទៅតាមជំនាញរបស់ខ្លួន អាចដំណើរការទៅបានរលូន និងធានាបានសន្ដិសុខ សណ្ដាប់ធ្នាប់ល្អប្រសើរ៕