ការកំណត់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ក្នុងឱកាសអនុញ្ញាតឱ្យប្រតិភូក្រុមប្រឹក្សាជាតិកម្ពុជាដើម្បីស្ត្រី ចូលជួបសម្ដែងការគួរសម នៅវិមានសាមគ្គីភាព នៃព្រឹទ្ធសភា នាព្រឹកថ្ងៃទី១៤ ខែសីហា ឆ្នាំ២០២៦។ ក្នុងនាមប្រធានគណបក្សប្រជាជនកម្ពុជា សម្ដេចតេជោ ហ៊ុន សែន បានណែនាំទៅគណបក្សនៅតាមមូលដ្ឋាន ត្រូវរៀបចំបេក្ខជនឱ្យមានស្រ្ដី ឈរឈ្មោះបោះឆ្នោត និងក្លាយជាសមាជិកនៃក្រុមប្រឹក្សាឃុំសង្កាត់ ដើម្បីពង្រាយស្រ្ដីដូចនៅតាមថ្នាក់ខេត្ដ និងថ្នាក់ស្រុកផងដែរ។
សម្ដេចតេជោ គូសបញ្ជាក់ថា ស្រ្ដីត្រូវតែទទួលបានការបណ្ដុះបណ្ដាល និងអាចធ្វើការងារបម្រើប្រជាជនបានផងដែរ។ សំឡេង« សម្ដេចបានសួរខេត្តខ្លះ ខេត្តថាមានគ្រប់ ប៉ុន្ដែមានគ្រប់នៅត្រង់តែក្នុងបញ្ជីបោះឆ្នោត ប៉ុន្ដែគាត់ដាក់នៅលេខរៀងដែលមិនជាប់ឆ្នោត។ ឥឡូវនេះ គោលការណ៍ជារួម គឺត្រូវធ្វើម៉េចក្នុងមួយឃុំយ៉ាងហោចឱ្យមានស្រ្ដីម្នាក់ជាប់ឆ្នោត។»
ក្នុងឱកាសនោះ សម្ដេចតេជោ ហ៊ុន សែន ណែនាំឱ្យបង្កើនចំនួនស្ដ្រីធ្វើជាឯកអគ្គរដ្ឋទូតឱ្យបានច្រើន និងលើកទឹកចិត្ដឱ្យស្ដ្រីដាក់ពាក្យប្រឡងប្រកួតវប្រជែងចូលធ្វើការងារនៅស្មៀនឃុំ ដើម្បីលើកកម្ពស់ភាពជាអ្នកដឹកនាំជាស្រ្ដី ។
ជាមួយគ្នានេះ សម្ដេចតេជោ ហ៊ុន សែន ក៏បានអបអរសាទរជាមួយរាជរដ្ឋាភិបាលចំពោះការបង្កើនចំនួនស្រ្ដីនៅក្នុងតួនាទីនៃរាជការស៊ីវិល ខណៈគិតត្រឹមឆ្នាំ២០២៥ អត្រាមន្រ្ដីរាជការជាស្រ្ដីមានចំនួន ៤២ភាគរយ នៃមន្រ្ដីរាជការស៊ីវិលសរុប៕