|
លោក ផែង វណ្ណៈ នាំយកថវិកាសប្បុរសជនចំនួន ១២០លានរៀល ឧបត្ថម្ភដល់កងកម្លាំងជួរមុខ !
ថ្ងៃទី ៖ 06-06-2025, ដោយ Dara007 , 126 Views
ភ្នំពេញៈ លោក ផែង វណ្ណៈ បាននាំយកថវិកាដែលរៃអង្គាសបានពីសប្បុរសជនចំនួន ១២០លានរៀល ប្រគល់ជូនដល់យុវជនគណបក្សប្រជាជនកម្ពុជាថ្នាក់កណ្ដាលផងដែរដេីម្បីរួមចំណែកគាំទ្រឧបត្ថម្ភដល់កងកម្លាំងនៅសមរភូមិមុខ។
តបតាមការអំពាវនាវរបស់សម្ដេចតេជោ ហ៊ុន សែន ប្រធានព្រឹទ្ធសភា និង សម្ដេចធិបតី ហ៊ុន ម៉ាណែត នាយករដ្ឋមន្ត្រី នៅរសៀលថ្ងៃទី ៦ ខែ មិថុនា ឆ្នាំ ២០២៥ លោកបណ្ឌិត ជ្រុន ថេរ៉ាវាត់ សមាជិកគណៈកម្មាធិការកណ្ដាល អនុប្រធានយុវជនគណបក្សប្រជាជនកម្ពុជាថ្នាក់កណ្ដាល និងជាប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល បានអញ្ជើញជាជាអធិបតីដ៏ខ្ពង់ខ្ពស់ក្នុងពិធីទទួលអំណោយ និងថវិកា ពីសប្បុរសជន ដេីម្បីឧបត្ថម្ភដល់កងកម្លាំងជួរមុខដែលកំពុងប្រឈមមុខជាមួយសត្រូវឈ្លានពាន ។ សប្បុរសជនជាច្រើនបានចូលរួមគាំទ្រឧបត្ថម្ភទាំងគ្រឿងឧបភោគ បរិភោគ និងថវិកា ៕
|