ទំនាក់ទំនងផ្សាយពាណិជ្ជកម្ម : ទូស័ព្ទលេខ និងTelegram 060327222
      
      
    អានព័ត៍មាន ទាំងអស់
នាយករដ្ឋមន្រ្ដី ជំរុញការធ្វើទំនើបកម្មប្រព័ន្ធសុខាភិបាល
ថ្ងៃទី ៖ 19-11-2026, ដោយ​​ Dara007 , 39 Views
                     
ភ្នំពេញៈ សម្តេចមហាបវរធិបតី ហ៊ុន ម៉ាណែត បានជំរុញការធ្វើទំនើបកម្មប្រព័ន្ធសុខាភិបាល តាមរយៈការពង្រីកការប្រើប្រាស់ប្រព័ន្ធសុខាភិបាលឌីជីថល ព្រមទាំងពង្រឹងមូលដ្ឋានទិន្នន័យសុខាភិបាល។

ថ្លែងក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការសមិទ្ធផល គម្រោងកែលម្អហេដ្ឋារចនាសម្ព័ន្ធ និងបំពាក់ឧបករណ៍វេជ្ជសាស្រ្ត សម្រាប់មន្ទីរពេទ្យបង្អែកស្រុកចំនួន ៦១កន្លែង នៅខេត្តកំពង់ចាម នាព្រឹកថ្ងៃទី១៩ ខែវិច្ឆិកា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានថ្លែងអំណរគុណចំពោះការលះបង់ដ៏មានតម្លៃរបស់ការងារបុគ្គលិកសុខាភិបាលម្នាក់ៗ ដែលបានជួយសង្គ្រោះជីវិតប្រជាពលរដ្ឋ។

សម្ដេចធិបតីគូសបញ្ជាក់ថា ក្នុងគោលដៅដែលរាជរដ្ឋាភិបាលបានដាក់ចេញពីថ្នាក់ជាតិ ទៅថ្នាក់ក្រោមជាតិលើវិស័យសុខាភិបាល គឺការបន្តពង្រឹងប្រព័ន្ធសង្គ្រោះបន្ទាន់ ការវះកាត់ តាមរយៈការបង្កើនសមត្ថភាពសង្គ្រោះបន្ទាន់ និងវះកាត់នៅមន្ទីរពេទ្យបង្អែកស្រុក ពង្រឹងសមត្ថភាពឆ្លើយតបនឹងគ្រោះថ្នាក់ចរាចរណ៍ និងគ្រោះអាសន្នផ្សេងៗ។

សម្ដេចធិបតីបន្ដថា “ក្រុមគ្រូពេទ្យ និងបុគ្គលិកប្រចាំការមានចំនួនគ្រប់គ្រាន់ ព្រមទាំងជំរុញការទំនើបកម្មប្រព័ន្ធសុខាភិបាល តាមរយៈការពង្រីកការប្រើប្រាស់ប្រព័ន្ធសុខាភិបាលឌីជីថល ជំរុញការពិគ្រោះជំងឺពីចម្ងាយ ពង្រឹងមូលដ្ឋានទិន្នន័យសុខាភិបាល និងការគ្រប់គ្រងប្រវត្តិអ្នកជំងឺ ព្រមទាំងបង្កើនប្រសិទ្ធភាពនៃការគ្រប់គ្រងឱសថ និងសម្ភារៈបរិក្ខារពេទ្យ”។

សម្ដេចធិបតីបន្ថែមទៀតថា ដើម្បីឆ្ពោះទៅរកការគ្របដណ្ដប់សុខភាពជាសកល ស្របតាមផែនទីបង្ហាញផ្លូវឆ្ពោះទៅរកការគ្របដណ្ដប់សុខភាពជាសកលនៅកម្ពុជា ឆ្នាំ២០២៤-២០៣៥នោះគឺ សំដៅធានាថា ប្រជាពលរដ្ឋគ្រប់រូបអាចទទួលបានសេវាសុខាភិបាលជាចាំបាច់ ប្រកបដោយគុណភាព និងមិនប្រឈមនឹងបន្ទុកហិរញ្ញវត្ថុហួសប្រមាណ៕

      
      
    ព័ត៍មានអន្តរជាតិ
      
    ព័ត៌មានសេដ្ឋកិច្ច
កំពង់ចាមៈ សម្ដេចធិបតី ថ្លែងថា ក្រុមហ៊ុនជប៉ុន បានសម្រេចចិត្តបោះទុនវិនិយោគផលិតគ្រាប់ខ្ចៅផ្ដាច់មុខ នៅក្នុងប្រទេសកម្ពុជា ដើម្បីចែកចាយទៅកាន់ប្រទេសផ្សេងៗនៅក្នុងតំបន់។ ...
      
    ព័ត៍មានកីឡា
    ព័ត៍មានកំសាន្ត
អាសយដ្ឋាន ៖
ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ
រាជធានីភ្នំពេញ
ទំនាក់ទំនងផ្សាយពាណិជ្ជកម្ម ៖
017 32 36 36
campost2022@gmail.com
Copyright @ 2017-2024, Campost.asia, campost2022@gmail.com