|
ពលរដ្ឋខ្មែរលួចឆ្លងដែនខុសច្បាប់ ១២២នាក់ ត្រូវបញ្ជូនមកកម្ពុជាវិញ
ថ្ងៃទី ៖ 05-06-2026, ដោយ Dara007 , 133 Views
បន្ទាយមានជ័យៈ អាជ្ញាធរថៃ បានបញ្ជូនពលរដ្ឋខ្មែរឆ្លងដែនខុសច្បាប់ សរុបចំនួន ១២២នាក់ ក្នុងនោះស្រី ៤៤នាក់ និងកុមារ ១៤នាក់ តាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ នាថ្ងៃទី០៥ ខែមិថុនា ឆ្នាំ២០២៦ វេលាម៉ោង១៤:១៥នាទី ដោយមានការដឹកនាំបញ្ជាផ្ទាល់ពីលោកឧត្ដមសេនីយ៍ត្រី អុី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត មន្ត្រីជំនាញបានទទួលពលរដ្ឋខ្មែរឆ្លងដែនខុសច្បាប់។
ជាមួយគ្នានេះផងដែរ ក៏បានចែកនំប៉័ង ទឹកសុទ្ធដល់ពួកគាត់ក្នុងម្នាក់នំប៉័ង ០១ដើម ទឹកសុទ្ធ ០១ដប គ្រប់ៗគ្នា ។
អនុវត្តតាមការណែនាំរបស់លោកឧត្តមសេនីយ៍ទោ ប្រធាននាយកដ្ឋានច្រកទ្វារទី១ ពលរដ្ឋទាំងអស់ ប៉ុស្តិ៍បានធ្វើសម្រង់សាវតាតម្កល់ទុកនៅអង្គភាព បន្ទាប់មកជួយដឹកជញ្ជូនយកទៅប្រគល់ឱ្យមន្ត្រី នៃមជ្ឈមណ្ឌលសំចតប៉ោយប៉ែត ដើម្បីអនុវត្តនីតិវិធីបន្ត ៕
|