ក្នុងឱកាសអញ្ជើញជាអធិបតីបិទវេទិកាវិនិយោគកម្ពុជាឆ្នាំ២០២៦ ក្រោមមូលបទ «ការពង្រឹងភាពធន់តាមរយៈការថែទាំវិនិយោគប្រកបដោយភាពបុរេសកម្ម និងភាពជាដៃគូយុទ្ធសាស្ត្រ» លោក កែវ រតនៈ រដ្ឋមន្ត្រីក្រសួងរ៉ែ និងថាមពល និងជាអនុប្រធានទី៣ ក្រុមប្រឹក្សាអភិវឌ្ឍន៍កម្ពុជា បានលើកឡើងថា ការចំណាយក្រៅផ្លូវការ គឺជាអំពើពុករលួយនៅតាមស្ថាប័ន ។

លោកគូសបញ្ជាក់ថា រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កំពុងតែបន្ថែមវិធានការថ្មីៗបន្ថែមទៀត ដើម្បីកាត់បន្ថយការចំណាយក្រៅច្បាប់ទម្លាប់ នៅតាមស្ថាប័នគ្រប់ទាំងអស់ ដើម្បីកុំឱ្យបង្កឧបសគ្គដល់ការរីកចម្រើនរបស់វិស័យឯកជន។

បញ្ហាពាក់ព័ន្ធជាមួយចំណាយក្រៅផ្លូវការ និយាយភាសាឲ្យចំថា ជាអំពើពុករលួយតាមស្ថាប័នគ្រប់ទាំងអស់ បញ្ហានេះ គឺរាជរដ្ឋាភិបាលក្រោមការប្រឹងប្រែងរបស់សម្ដេចបវរធិបតី ហ៊ុន ម៉ាណែត កំពុងតែបន្ថែមវិធានការធ្វើម៉េចឲ្យចំណាយក្រៅច្បាប់ទម្លាប់នេះ គឺមិនបង្កជាបញ្ហាឧបសគ្គ ដល់ការរីកចម្រើនរបស់វិស័យឯកជន”។

លោកអះអាងថា ដើម្បីដោះស្រាបញ្ហាអំពើពុករលួយតាមស្ថាប័ន គឺធ្វើយ៉ាងណាឲ្យប្រព័ន្ធការិយាធិបតេយ្យរបស់ក្រសួងស្ថាប័នកាត់បន្ថយ៕