|
អ្នកដែលចង់បានទឹកដីកម្ពុជា បាននិងកំពុងប្រើប្រាស់វិធីគ្រប់បែបយ៉ាង
ថ្ងៃទី ៖ 05-01-2026, ដោយ Dara007 , 14 Views
ភ្នំពេញៈ លោក ប៉ែន បូណា អ្នកនាំពាក្យរាជរដ្ឋាភិបាលកម្ពុជា ថ្លែងថា អ្នកដែលចង់បានទឹកដីកម្ពុជា បាននិងកំពុងប្រើប្រាស់វិធីគ្រប់បែបយ៉ាង ដើម្បីបំបែកបំបាក់កម្លាំងសាមគ្គីរបស់យើង ព្រោះពួកគេយល់ថាទាល់តែពួកគេអាចបំបែកកម្លាំងនេះបាន ទើបពួកគេងាយក្នុងការសម្រេចបានមហិច្ឆតាបំពានទឹកដីរបស់យើង។
ក្នុងពេលជាមួយគ្នានេះ ក្រុមប្រឆាំងខ្មែរជ្រុលនិយមមួយក្តាប់តូចបានធ្វើខ្លួនជាអ្នកបម្រើយ៉ាងសកម្មឱ្យសង្គ្រាមចិត្តសាស្រ្តរបស់ប្រទេសដែលកំពុងទន្រ្ទានកាន់កាប់ទឹកដីយើងនៅតាមតំបន់មួយចំនួន ប៉ុន្តែជាសំណាង ដែលប្រជាពលរដ្ឋយើងចេះបែងចែកអាក្រក់និងល្អ ហើយបានផាត់ចោលនូវសង្គ្រាមចិត្តសាស្រ្តមិនឱ្យចូលមកបំពុលសតិអារម្មណ៍របស់បងប្អូនឡើយ។
|