|
កងរាជអាវុធហត្ថខេត្តកំពង់ស្ពឺ និងខេត្តតាកែវ ឆ្មក់បង្រ្កាបជនសង្ស័យ កាំភ្លើងខ្លី២ដេីម រថយន្តពីរគ្រឿងនិងម្សៅក្រាមពណ៌សថ្លា
ថ្ងៃទី ៖ 30-11-2025, ដោយ Dara007 , 6 Views
កំពង់ស្ពឺៈ កាលពីថ្ងៃទី២៩ ខែវិច្ចិកា ឆ្នាំ២០២៥ កម្លាំងមូលដ្ឋានកងរាជអាវុធហត្ថស្រុកបសេដ្ឋ ដឹកនាំដោយ លោកវរៈសេនីយ៍ត្រី ស៊ូ ប៊ុនរឿន បានសហការជាមួយ កម្លាំងកងរាជអាវុធហត្ថខេត្តតាកែវ ដឹកនាំដោយ លោកអនុសេនីយ៍ឯក ជួន តូរៈនៈ បានឆ្មក់ចុះឆែកឆេលំនៅដ្ឋានជនសង្ស័យឈ្មោះ សែម រក្សា ភេទស្រី អាយុ២៣ឆ្នាំ មុខរបរកម្មកររោងចក្រ រស់នៅភូមិត្មាតលេង ឃុំបសេដ្ឋ ស្រុកបេសដ្ឋ ខេត្តកំពង់ស្ពឺ។
កម្លាំងជំនាញកងរាជអាវុធហត្ថបានរកឃេីញវត្ថុតាងរួមមាន៖ម្សៅក្រាមពណ៌សថ្លា០៣កញ្ចក់ធំ សង្ស័យថាជាសារធាតុញៀន,រថយន្តចំនួន០២គ្រឿង,ម៉ូតូចំនួន០១គ្រឿង,ទូរស័ព្ទចំនួន០១គ្រឿង,កាំភ្លើងខ្លីចំនួន០២ដេីម,បង់ចំនួន០៣(១៨១គ្រាប់) និងសម្ភារៈប្រេីប្រាស់គ្រឿងញៀនមួយចំនួនថែមទៀត។
បច្ចុប្បន្ន និងវត្ថុតាងត្រូវបានកម្លាំងមូលដ្ឋាកងរាជអាវុធហត្ថស្រុកបសេដ្ឋ ប្រគល់ជូនទៅ កម្លាំងកងរាជអាវុធហត្ថខេត្តតាកែវ ដេីម្បីចាត់ការតាមនីតីវិធីបន្ត៕
|