|
ភរិយានាយកដ្ឋមន្រ្ដី៖ រាជរដ្ឋភិបាលមិនទុកវីរកងទ័ពពលី និងក្រុមគ្រួសារកងទ័ព ណាម្នាក់ចោលនោះឡេីយ
ថ្ងៃទី ៖ 02-05-2026, ដោយ dara007 , 47 Views
ព្រះវិហារៈ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជេីញជួបសំណេះសំណាល និងសួរសុខទុក្ខក្រុមគ្រួសារវីរកងទ័ពពលី និងវីរនគរបាលពលី របស់ខេត្តព្រះវិហារ ដែលបានចូលរួមក្នុងបុព្វហេតុការពារបូរណភាពទឹកដី នៅខេត្តកំពង់ធំ ថ្ងៃទី១ ខែឧសភា ឆ្នាំ២០២៦។
ការជួបសំណេះសំណាលនេះ លោកជំទាវបណ្ឌិត ចូលរួមសម្តែងនូវការរំលែកទុក្ខយ៉ាងក្រៀមចំពោះការបាត់បង់វីរកងទ័ពដ៏អង់អាចក្លាហាន និងសូមបួងសួងឱ្យវិញាណក្ខន្ធវីរកងទ័ពបានទៅកាន់សុខគតិភពកុំបីឃ្លៀតឡេីយ។
ព្រមជាមួយគ្នានេះដែរ លោកជំទាវបណ្ឌិតបានធ្វេីការសាកសួរដោយផ្ទាល់ជាមួយក្រុមគ្រួសារវីរកងទ័ពទាំង១៨រូប ដេីម្បីដឹងសុខទុក្ខ ពិសេសតម្រូវការផ្សេងៗដែលលោកជំទាវបណ្ឌិត អាចនឹងជួយដោះស្រាយ និងសម្របសម្រួលដល់ជីវភាពរស់នៅឱ្យបានល្អប្រសេីរ។
នេះជាការគិតគូរជានិច្ចចំពោះវីរភាពរបស់វីរកងទ័ពយេីង ដែលបានលះបង់អាយុជីវិតដេីម្បីជាតិ និងប្រជាជនកម្ពុជាក្នុងបេសកកម្មការពារជាតិកន្លងទៅ ដែលមិនទុកវីរកងទ័ព និងក្រុមគ្រួសារកងទ័ពណាម្នាក់ចោលនោះឡេីយ៕
|