ក្នុងព្រឹត្តិការណ៍ដ៏មានអត្ថន័យនេះ ក៏មានការចូលរួមយ៉ាងច្រើនកុះករពីសំណាក់បងប្អូនប្រជាពលរដ្ឋក្នុងមូលដ្ឋាន ព្រមទាំងភ្ញៀវទេសចរជាតិ និងអន្តរជាតិ ដែលបានមកកម្សាន្តយ៉ាងសប្បាយរីករាយតាមរយៈការលេងល្បែងប្រជាប្រិយខ្មែរផ្សេងៗ បង្កើតបានជាទិដ្ឋភាពដ៏រស់រវើកនៅទូទាំងខេត្ត។

រដ្ឋបាលខេត្តព្រះសីហនុ ក៏បានសម្តែងនូវការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅចំពោះ លោកយាយ លោកតា ពុកម៉ែ បងប្អូន និងភ្ញៀវទេសចរទាំងអស់ ដែលបានជ្រើសរើសយកខេត្តព្រះសីហនុ ជាគោលដៅសម្រាប់សម្រាកកម្សាន្តក្នុងឱកាសបុណ្យចូលឆ្នាំថ្មីនេះ។ វត្តមានរបស់បងប្អូនភ្ញៀវទេសចរ បានរួមចំណែកយ៉ាងសំខាន់ក្នុងការលើកកម្ពស់សេដ្ឋកិច្ចមូលដ្ឋាន និងបង្ហាញពីភាពជោគជ័យនៃវិស័យទេសចរណ៍ក្នុងខេត្ត៕