ក្រៅពីនេះ កម្លាំងនគរបាលយើងក៏បានត្រួតពិនិត្យរកសារធាតុញៀន(ថ្នាំញៀន) ក្មេងទំនើង , ទប់ស្កាត់អ្នកបើកបរមានជាតិស្រវឹង( ជាតិអាល់កុល) និងផ្សព្វផ្សាយអំពីច្បាប់ចរាចរណ៍ផ្លូវគោកដល់អ្នកបើកបរផងដែរ។
លោកឧត្តមសេនីយ៍ទោស្នងការ តែងតែដាក់ចេញនូវបទបញ្ជា យ៉ាងម៉ើងម៉ាត់ដល់កម្លាំងគ្រប់ផ្នែកពាក់ព័ន្ធ ត្រូវពង្រឹងការយាមល្បាត ការប្រចាំការ២៤ម៉ោង ពង្រឹងការស្រាវជ្រាវបង្ក្រាបបទល្មើសគ្រប់ប្រភេទ ពិសេសបទល្មើសព្រហ្មទណ្ឌនិងក្មេងទំនើងដោយគ្មានការយោគយល់ ធ្វើយ៉ាងណាឱ្យខេត្តបន្ទាយមានជ័យ មានសន្តិសុខ សណ្ដាប់ធ្នាប់ សុវត្ថិភាពល្អជូនប្រជាពលរដ្ឋ៕