ថ្លែងក្នុងឱកាសអញ្ជើញជាអធិបតី ក្នុងទិវាមច្ឆជាតិ លើកទី២០ ស្ថិតនៅ ឃុំក្រាំងធ្នង់ ស្រុកបាទី ខេត្តតាកែវ នាព្រឹកថ្ងៃថ្ងៃទី១ ខែកក្កដា ឆ្នាំ២០២៥នេះ សម្តេចធិបតីហ៊ុន ម៉ាណែត បានគូសបញ្ជាក់ថា ទោះបីជាមានបញ្ហាព្រំដែន ជាមួយប្រទេសថៃ ត្រូវអូសបន្លាយរយៈពេលវែងយ៉ាងណាក៏ដោយ សម្រាប់កម្ពុជា នូវតែធានាបាននូវវសន្តិសុខស្បៀង ជូនដល់ប្រជាពលរដ្ឋដដែល ។

ក្នុងនោះសម្តេចធិបតី បានបញ្ជាក់បន្ថែមថា កត្តាមួយសំខាន់ នៃការធានាបាន និងបង្កលក្ខណៈសន្តិសុខស្បៀង គឺសន្តិភាព និងគោលនយោបាយច្បាស់លាស់ ខណៈដែលរាជរដ្ឋាភិបាលច្រើនអាណត្តិ តាំងពីអាណត្តិមុន មកដល់អាណត្តិនេះ បន្តអនុគ្រោះទៅដល់វិស័យឯកជន ធ្វើការងារក្នុងវិស័យកសិកម្ម ដែលរដ្ឋាភិបាលបានជួយជាច្រើន រួមទាំងការកសាងប្រព័ន្ធធារាសាស្ត្រជាដើម ។

បន្ថែមលើនេះ សម្តេចធិបតី បានបញ្ជាក់បន្ថែមថា ការគិតគូររបស់រាជរដ្ឋាភិបាល មិនត្រឹមតែវិស័យកសិកម្ម ដែលជាលក្ខណៈដាំដុះតែដំណាំទេ ការធ្វើនេសាទ ការដាំជាលក្ខណៈយុទ្ធសាស្ត្រ ដូចជាដំណាំកៅស៊ូកែឆ្នៃផ្សេងៗ ដំណាំរួមផ្សំ ការចិញ្ចឹមសត្វក៏រាជរដ្ឋាភិបាលយកចិត្តទុកដាក់ដែរ ធ្វើយ៉ាងណាធានានូវសន្តិសុខស្បៀងផ្ទៃក្នុងរបស់កម្ពុជា ។ ពិតណាស់ កម្ពុជា មិនបិទនៅក្នុងការធ្វើពាណិជ្ជកម្ម ជាមួយប្រទេសផ្សេងៗ រួមទាំងប្រទេសជិតខាង ទាំងវិស័យកសិកម្មនិងវិស័យផ្សេងៗ ប៉ុន្តែកម្ពុជាត្រូវពង្រឹងសមត្ថភាព ក្នុងការធានាផ្ទៃក្នុងរបស់ខ្លួន៕