ថ្លែងក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារ ឆ្នាំ២០២៥ នៅរសៀលថ្ងៃទី២៧ ខែកុម្ភៈ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាមានបានណែនាំឱ្យរៀបចំ ឱ្យមានយន្តការស្ថាប័នអន្តរការី ដើម្បីជំរុញការផលិតផលិតផលអនុស្សាវរីយ៍ខ្មែរ និងការតភ្ជាប់ខ្សែច្រវាក់នៃការផលិត នោះ ជាមួយទីផ្សារ និងភ្ញៀវទេសចរ ដើម្បីធ្វើឱ្យនៅលើទីផ្សារ, ជាពិសេសនៅតាមបណ្តាហាងលក់វត្ថុអនុស្សាវរីយ៍ និងផ្សាររាត្រី មានផលិតផលខ្មែរ សម្បូរបែបគុណភាព ទទួលយកបាន និងតម្លៃសមរម្យ។

សម្ដចធិបតីបន្ដថា ពេលដែលយើងរៀបចំ ជាកញ្ចប់ទេសចរណ៍ ខ្ញុំគិតថា ភ្ញៀវមកមួយ ទន្ទឹមនឹងការស្វាគមន៍ ឲ្យក្រមាគាត់មួយ ក្នុងមួយ១ឆ្នាំ មួយលាននាក់ នៃភ្ញៀវទេសចរ ឬ៦០ម៉ឺននាក់ យើងប្រាកដជាលក់ក្រមា បាន៦០ម៉ឺនក្រមា»៕