ក្នុងឱកាសអញ្ជើញជាអធិបតីក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាំងខេត្តកោះកុង នៅព្រឹកថ្ងៃ ថ្ងៃទី៣០ ខែវិច្ឆិកា ឆ្នាំ២០២៣នេះ សម្តេចធិបតី ហ៊ុន ម៉ាណែត បានថ្លែងថា ទម្រាំសម្រេចបានគម្រោងអភិវឌ្ឍមួយៗគេត្រូវគិតគូរពីផលប៉ះពាល់ជាមុន តាំងពីមុនសាងសង់ ពេលសាងសង់ និងនៅក្រោយពេលសាងសង់ ទៅលើបរិស្ថាន ព្រៃឈើ អេកូឡូស៊ី ជាពិសេសផលប៉ះពាល់លើប្រជាពលរដ្ឋ។

សម្ដេចធិបតីបានបញ្ជាក់ថា គេក៏ត្រូវថ្លឹងថ្លែងពីផលដែលបានពីការវិនិយោគ ការផលិតសេដ្ឋកិច្ច និងការអភិវឌ្ឍសង្គម ថាតើវាសមស្របទៅនឹងផលប៉ះពាល់អវិជ្ជមានទៅលើប្រជាពលរដ្ឋដែរឬទេ។

សម្តេចធិបតី បានបន្តថា ការអគ្គិសនីដែលផលិតខ្លួនឯង ដោយមិនចាំបាច់ពឹងដង្ហើមគេដកគ្រប់ពេលទេ ពោលបើនៅថ្ងៃណាមួយ ប្រទេសជិតខាងផលិតលែងបាន នោះវានឹងបង្កគ្រោះថ្នាក់ដល់យើងជាក់ជាមិនខាន៕