ក្នុងឱកាសអញ្ជើញជាអធិបតីក្នុងពិធីបិទស្ទឹងសាងសង់ទំនប់វារីអគ្គិសនីស្ទឹងតាតៃលើ ស្ថិតក្នុងស្រុកថ្មបាំងខេត្តកោះកុង នៅព្រឹកថ្ងៃ ថ្ងៃទី៣០ ខែវិច្ឆិកា ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាន៍ថា ការអនុវត្តគោលនយោបាយរបស់យើង ពាក់ព័ន្ធនឹងវិស័យថាមពលអគ្គិសនី កាលពីពេលកន្លងទៅនិងតទៅមុខទៀត គឺធ្វើឡើងដោយការទទួលខុសត្រូវ និងឈរលើគោលការណ៍ចំនួន៣ គឺ៖ ទី១ ជំរុញឱ្យជីវភាពរបស់ប្រជាពលរដ្ឋទូទាំងប្រទេស និងសេដ្ឋកិច្ចជាតិ ដើរទៅមុខ ទី២ ត្រូវគិតគូរអំពីផលប៉ះពាល់ទៅដល់មូលដ្ឋាន ទាំងបរិស្ថាន មនុស្ស និងសត្វ និងទី៣ការអភិវឌ្ឍត្រូវតែធានានូវការថែរក្សាបរិស្ថាន និងជួយទប់ស្កាត់ការប្រែប្រួលអាកាសធាតុនៅក្នុងពិភពលោក ។

សម្តេចធិបតី ហ៊ុន ម៉ាណែត បានបញ្ជាក់ថា ការដាក់គោលដៅនេះ ដើម្បីជំរុញការអភិវឌ្ឍសេដ្ឋកិច្ចជាតិឈានទៅកាត់បន្ថយភាពក្រីក្រឱ្យជីវភាពរស់នៅរបស់ប្រជាពលរដ្ឋទូទាំងប្រទេសកើនឡើង៕