កម្មករ បាននិយាយថា ពួកគាត់មានគ្នីគ្នាជាង៦០នាក់ បានធ្វើការក្នុងការដ្ឋានសាងសង់ អាគារខុនដូ Morgan enmaison នេះ ជាច្រើនខែមកហើយដោយទទួលបានប្រាក់ខែតិចតួច ប៉ុន្តែធ្វើការធ្ងន់ ហត់ លំបាក នេះដោយសារតែបញ្ហាជីវភាព និងចង់បានថវិការ ។
កម្មករថា ក្រុមហ៊ុននេះមិនបានបើកប្រាក់ខែឱ្យពួកគាត់ចំនួន២ខែមកហើយ ទើបពួកគាត់បានប្រមូលផ្តុំគ្នា មកឈរនៅមុខក្រុមហ៊ុនហើយធ្វើការតវ៉ា ទាមទារឲ្យក្រុមហ៊ុនបើកប្រាក់ខែឲ្យពួកគាត់។
សកម្មភាពតវ៉ានេះ ត្រូវបានគេរាយការណ៍ថា មានការបង្កជាជម្លោះហិង្សា រវាងកម្មករ កម្មការនី ប្រតាយប្រតប់គ្នា ខណៈដែលគ្រុបមិនព្រមបើកប្រាក់ខែអោយក្រុមកម្មករ២ខែកន្លងទៅនេះ។
លទ្ធផលចុងក្រោយនៃការតវ៉ានេះ តំណាងក្រុមហ៊ុន បានចុះមកធ្វើការសម្របសម្រួល ជាមួយក្រុមកម្មករ ដោយព្រមព្រៀងបើកប្រាក់ខែឲ្យ៨០ភាគរយ នៃចំនួនប្រាក់ខែ២ខែកន្លងនេះដែលមិនបានបើកជូនដល់ក្រុមកម្មករ ៕