|
៣ថ្ងៃទៀត កម្ពុជាត្រៀមស្វាគមន៍ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣!
ថ្ងៃទី ៖ 31-05-2023, ដោយ admin , 96 Views
ភ្នំពេញ : នៅបាំង៣ថ្ងៃទៀតប៉ុណ្ណោះ គិតត្រឹមថ្ងៃទី៣១ ឧសភានេះ ព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នឹងឈានចូលមកដល់ បន្ទាប់ពីព្រឹត្តិការណ៍កីឡាអាស៊ីអាគ្នេយ៍ ហៅកាត់ថា ស៊ីហ្គេមលើកទី៣២ ទើបតែបញ្ចប់ដោយជោគជ័យ កាលពីថ្ងៃទី១៧ ឧសភាកន្លងទៅ ។
តោះ! មកដឹងខ្លះៗពីកីឡាបាល់ទាត់ ៥ម្ខាង (ជនពិការភ្នែក) ដែលភាសាអង់គ្លេសហៅថា Football 5-a-side! កីឡាបាល់ទាត់ ៥ម្ខាង គឺជាប្រភេទកីឡាបាល់ទាត់ដែលត្រូវបានរចនាឡើងសម្រាប់អ្នកលេងដែលពិការភ្នែក ឬមានបញ្ហាចុះខ្សោយគំហើញ។ ទីលានបាល់ទាត់មានទំហំតូច ហើយសមាជិកក្នុងក្រុមត្រូវបានកាត់បន្ថយមកត្រឹម ៥នាក់ ដែលរួមទាំងអ្នកចាំទីម្នាក់ផងដែរ។ ការប្រកួតមានពីរតង់ ដែលមួយតង់មានរយៈពេល 20 នាទីជាមួយនឹងការសម្រាក 10 នាទីនៅពាក់កណ្តាលតង់។ ក្នុងការលេងកីឡានេះ អត្តពលិកទាំងអស់ លើកលែងតែអ្នកចាំទី ត្រូវបានបិទភ្នែក។ បាល់ត្រូវបានកែសម្រួលដោយបំពាក់នូវឧបករណ៍បញ្ចេញសំឡេង ដើម្បីឱ្យអ្នកលេងអាចកំណត់ទីតាំងរបស់បាល់បាន៕
|