លោក គង់ ហ៊ុនធារិទ្ធ ធ្លាប់ធ្វើជានាយកខុទ្ទកាល័យអោយគណបក្សទាំង៣ និងធ្លាប់ធ្វើជារដ្ឋលេខាធិការក្រសួងមហាផ្ទៃ (កូតាហ្វុនស៊ីនប៉ិច)។ ចុងក្រោយលោកបានធ្វើជានាយកខុទ្ទកាល័យអោយលោក សម រង្សី គណបក្សសង្រ្គោះជាតិពីឆ្នាំ (២០១៤-២០១៧) គឺពេលដែលគណបក្សនេះត្រូវបានរំលាយ លោក គង់ ហ៊ុនធារិទ្ធ ក៏បានទៅសំងំរស់នៅយ៉ាងកណ្តោចកណ្តែងម្នាក់ឯងលើកំពូលភ្នំមួយ។
បើតាម លោក ដួង តារា បានបញ្ជាក់ថា «លោក គង់ ហ៊ុនធារិទ្ធ បានប្រាប់ខ្ញុំថា ជាង៣០ឆ្នាំមកនេះ គឺលោកបានឃើញច្បាស់ថា គណបក្សទាំង៣ខាងលើដែលលោកធ្លាប់បានប្រឡូកនយោបាយកន្លងមកគឺមិនមានសមត្ថភាពដឹកនាំប្រទេសជាតិបានឡើយគឺមានតែធ្វើអោយចលាចល»
សម្រាប់ជីវិតចុងក្រោយ លោកបានសម្រេចចិត្តគោរពសុំក្តីសណ្តោសពី សម្តេចតេជោ ហ៊ុន សែន ដើម្បីមានឱកាសបានចូលរួមបម្រើប្រទេសជាតិពិតប្រាកដក្រោមម្លប់គណបក្សប្រជាជនកម្ពុជា។
ពិតណាស់ សម្តេចតេជោ ហ៊ុន សែន លោកតែងមានក្តីសណ្តោសនិងអណិតស្រឡាញ់ដល់បងប្អូនប្រជាពលរដ្ឋគ្រប់ទីកន្លែង។ ទន្ទឹមនឹងនោះដែរ សម្តេចតេជោ បានស្វាគមន៍ដោយកក់ក្តៅចំពោះលោក លោក គង់ ហ៊ុនធារិទ្ធ វិលមករួមរស់ជីវភាពនយោបាយជាមួយបក្សទេវតាយើងចាប់ពីពេលនេះតទៅ។ ល្ងាចនេះ លោកពុក លី សាម៉េត អាចនឹងជួបសួរនាំផ្ទាល់បន្ថែម ព្រោះគាត់ក៏ជាអតីតសិស្សលោកពុកផងដែរ ៕