ក្នុងកម្មវិធីសិក្ខាសាលាជាមួយម្ចាស់ឬតំណាងសហគ្រាសនិងក្រុមហ៊ុនជាច្រើននាក់ នៅព្រឹកថ្ងៃទី២២ មីនា នៅសាខាពន្ធដារខណ្ឌសែនសុខ លោកហៀង ស្រ៊ុន បានស្នើរឱ្យពលរដ្ឋដែលជាម្ចាស់អាជីវកម្មចូលរួមបង់ពន្ធឱ្យបានទាន់ពេល ជៀសវាងការផាកពិន័យឬទោសទណ្ឌ ។
យោងតាមការបញ្ជាក់ពីលោក គ្រី ឌីម៉ង់ ប្រធានការិយាល័យសវនកម្ម នៃសាខាពន្ធដារខណ្ឌសែនសុខ បានបង្ហាញថា ការមិនចេញវិក្កយបត្រត្រូវចាត់ទុកថា ជាអំពើរាំងស្ទះក្នុងការអនុវត្តបទប្បញ្ញត្តិស្ដីពីពន្ធដារ និងរងនូវទោសទណ្ឌ ការបិទអាជីវកម្មក្នុងមួយរយៈពេលដែលកំណត់ដោយច្បាប់ ការកំណត់ពន្ធឡើងវិញ ឬការប្ដឹងចោទប្រកាន់ពីបទល្មើសព្រហ្មទណ្ឌលើបទប្បញ្ញត្តិស្ដីពីពន្ធដារ ដែលត្រូវទទួលរងការផ្ដន្ទាទោសផាកពិន័យជាប្រាក់ ១០លានរៀល ឬជាប់ពន្ធនាគាររហូតដល់១ឆ្នាំ ឬទោសទាំងពីរនេះ ។
មន្រ្តីពន្ធដារដដែលបានបញ្ជាក់ថា «មន្រ្តីពន្ធដារនឹងចុះដល់ទីតាំង ឬធ្វើការផ្ទៀងផ្ទាត់វិក្កយបត្រ ដែលចេញដោយសហគ្រាសផ្គត់ផ្គង់ទំនិញឬសេវា ដើម្បីពិនិត្យភាពត្រឹមត្រូវនៃការប្រើប្រាស់ ៕