ការថ្លែងដូច្នោះគ្រាដែលលោករដ្ឋមន្រ្តី បានអញ្ជើញជាអធិបតីនៅក្នុងពិធីរៀបចំការបោះឆ្នោតជ្រើសរើសគណៈកម្មាធិការនាយកក្លឹបអ្នកកាសែតកម្ពុជាសម្រាប់អាណត្តិទី៧ នៅសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ រសៀលថ្ងៃទី២៧ មករា ២០២៣ ដែលមានវត្តមានអ្នកសារព័ត៌មានជាង៥០០នាក់ចូលរួម ។
បើតាម លោក ខៀវ កាញារីទ្ធ « ក្រមសីធម៌សំខាន់ណាស់ ប្រៀបដូចអាវក្រោះ » ។ លោករដ្ឋមន្រ្តីថា អ្នកកាសែតគឺសេរី មិនត្រូវប៉ះដៃយកដៃប៉ះជើងយកជើងទេ ។ ប៉ុន្តែលោកឱ្យមានការបណ្ដុះបណ្ដាលវិជ្ជាជីវៈ ។
ក្រៅពីលោករដ្ឋមន្រ្តី ខៀវ កាញារីទ្ធ លោក ប៉ែន បូណា រដ្ឋលេខាធិការក្រសួងព័ត៌មាន បានបង្ហោះសារនៅលើបណ្ដាញសង្គមទំនាក់ទំនងដែរថា « ការកោះហៅអ្នកសារព័ត៌មានមកអប់រំឲ្យគោរពក្រមសីលធម៌វិជ្ជាជីវៈមិនមែនជាការគំរាមកំហែងទេ តែជាចេតនាចង់លើកតម្លៃវិជ្ជាជីវៈសារព័ត៌មានទេតើ » ។
ប្រធានក្លឹបអ្នកកាសែតកម្ពុជា លោក ពុយ គា បានថ្លែងថា ក្លឹបអ្នកកាសែតកកើតរយៈពេល២៣ឆ្នាំហើយ ពីមុនក្លឹបមានសមាជិក៣០រូប ឥឡូវមានសមាជិករហូតជាង៥០០នាក់ ដែលមកពីជាង១០០ស្ថាប័ន ៕