ថ្លែងក្នុងពិធីប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យវេស្ទើនជាង៣ពាន់នាក់ សម្តេចតេជោ នាយករដ្ឋមន្រ្តី ហ៊ុន សែន «តម្លៃណាក៍ដោយត្រូវការពារសន្តិភាពឱ្យបាន ។ កំហុសខាងនយោបាយមិនត្រូវឱ្យមានបន្តទៀតនៅកម្ពុជានោះទេ» ។

នាយករដ្ឋមន្រ្តីទទួលស្គាល់ថា ធនធានមនុស្សកម្ពុជានៅមានកម្រិតនៅឡើយ បើទោះកម្ពុជាមានយុវជនច្រើនក៍ពិតមែន ។ ប៉ុន្តែបើធៀបនឹងប្រទេសសាំងហ្គាពួរដែលជាប្រទេសរីចម្រើនយ៉ាងឆាប់រហ័សនៅតំបន់អាស៊ី ឃើញថា សាំងហ្គាពួរផ្ដោតលើធនធានមនុស្សជាធំ គួបផ្សំនឹងកត្តាសន្តិភាពនយោបាយ ។

បើតាមនាយករដ្ឋមន្រ្តីកម្ពុជា « ហេតុអីសាំងហ្គាពួរក្លាយជាប្រទេសអ្នកមានបាន ហេតុអីបានយើងនៅតែក្រ កំហុសខាងនយោបាយវាជាការចាប់ផ្ដើម ហើយកំហុសខាងនយោបាយនោះហើយវាក៍រារាំងនូវដំណើរការអភិវឌ្ឍន៍ធនធានមនុស្សរបស់យើង» ៕