កងទ័ពជើងគោកស្នើឱ្យសមត្ថកិច្ចចាត់ការក្រោយពី លោក ឡុង សុគន្ធារៈ ក្លែងឯកសណ្ឋានយោធា និងប្រមាថ លោក ហ៊ុន ម៉ាណែត
ថ្ងៃទី ៖ 24-01-2023, ដោយ admin , 107 Views
ភ្នំពេញ : កងទ័ពជើងគោក នៃកងយោធពលខេមរភូមិន្ទ នៅថ្ងៃទី២៤មករានេះ បានចេញញ្ញត្តិថ្កោលទោស ចំពោះលោក ឡុង សុគន្ធារៈ ដែលបានក្លែងបន្លំឯកសណ្ឋានយោធា និងឋានន្តរស័ក្ដិនាយទាហានជាន់ខ្ពស់កម្ពុជា ព្រមទាំងចេញវីដេអូប្រមាថប៉ះពាល់ដល់កិត្តិយសធ្ងន់ធ្ងរដល់លោក ហ៊ុន ម៉ាណែត សម្តេចតេជោ និងថ្នាក់ដឹកនំាដទៃទៀត។
លិខិតកងទ័ពជើងគោកបានបញ្ជាក់ថា បុគ្គលឈ្មោះ ឡុង សុគន្ធារៈរូបនោះ បានក្លែងបន្លំពាក់ឯកសណ្ឋានយោធាដោយខុសច្បាប់ ដែលធ្វើឲ្យប៉ះពាល់ដល់សន្តិសុខ និងសេចក្តីថ្លៃថ្នូរ របស់កងយោធពលខេមរភូមិន្ទ ដែលជាអំពើល្មើសច្បាប់ដ៏ធ្ងន់ធ្ងរបំផុតមិនអាចលើកលែងឱ្យបាន ៕
|