ទំនាក់ទំនងផ្សាយពាណិជ្ជកម្ម : ទូស័ព្ទលេខ និងTelegram 060327222
សម្តេចធិបតី ៖ ប្រព័ន្ធបច្ចេកវិទ្យាឌីជីថលត្រូវតែផ្សាភ្ជាប់ជាមួយមនុស្សគ្រប់រូប
ថ្ងៃទី ៖ 15-11-2026, ដោយ​​ admin , 50 Views
                     
ភ្នំពេញៈ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាមានជំនឿថា ប្រព័ន្ធបច្ចេកវិទ្យាឌីជីថលនាពេលបច្ចុប្បន្ន ត្រូវតែផ្សារភ្ជាប់ជាមួយមនុស្សគ្រប់រូបនៅទូទាំងសកលលោក ។

ក្នុងពិធីបើកជាផ្លូវការ នៃព្រឹត្តិការណ៍ហ្វ្រង់កូតិច ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោក អេម៉ានុយអែល ម៉ាក្រុង នៅរសៀលថ្ងៃទី១៥ ខែវិច្ឆិកា ឆ្នាំ២០២៦ សម្តេចមហាបវរធិបតីមានជំនឿយ៉ាងមុតមាំថា ប្រព័ន្ធបច្ចេកវិទ្យាឌីជីថលត្រូវតែផ្សារភ្ជាប់ជាមួយមនុស្សគ្រប់រូប ហើយបច្ចេកវិទ្យាត្រូវតែមានលទ្ធភាពជួយឱ្យកសិករលក់ផលិតផលដំណាំឱ្យបានកាន់តែប្រសើរដូចដែលបច្ចេកវិទ្យានេះ អាចជួយសហគ្រាសរីកចម្រើន ។

សម្តេចធិបតីមានប្រសាសន៍បន្តថា ប្រព័ន្ធបច្ចេកវិទ្យាឌីជីថលបាននាំមកនូវការប្រមូលផ្តុំគម្រោងនានាអំពីគ្រួសារហ្វ្រង់កូហ្វូនី ។

សម្តេចនាយករដ្ឋមន្រ្តីសង្កត់ធ្ងន់ថា ពិភពលោកបានទទួលយកនវានវត្តដែលស្ថិតនៅក្នុងវិធានច្បាប់ ។ ចំពោះបញ្ញាសិប្បនិម្មិត នឹងធ្វើឱ្យសេដ្ឋកិច្ចមានការផ្លាស់ប្តូរយ៉ាងខ្លាំងចំពោះប្រទេសទាំងអស់ ជាពិសេសប្រទេសកំពុងអភិវឌ្ឍត្រូវតែមានលទ្ធភាពចូលរួមក្នុងការរៀបចំនិងកំណត់វិធានច្បាប់ ។ សម្តេចធិបតីមានប្រសាសន៍សង្កត់ធ្ងន់ថា បញ្ញាសិប្បនិម្មិតត្រូវតែបម្រើមនុស្សជាតិ ការពារឯកជនភាព និងគោរពដល់ភាសារួមព្រមទាំងវប្បធម៌ផងដែរ។

សូមបញ្ជាក់ថា ព្រឹត្តិការណ៍ហ្វ្រង់កូតិច រៀបចំឡើងរយៈពេល៣ថ្ងៃចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ ដោយមានកិច្ចពិភាក្សាសំខាន់ៗលើប្រធានស្តីពី ឱកាស និងអភិបាលកិច្ចបញ្ញាសិប្បនិម្មិត (AI) ដែលផ្តោតសំខាន់លើក្រមសីលធម៌ និយ័តកម្ម និងបរិយាបន្ន ក្នុងតំបន់ហ្វ្រង់កូហ្វូនី៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com