លោក អ៊ន់ ប៉ោសឿន ប្រធានមន្ទីរទេសចរណ៍ខេត្ត បានបញ្ជាក់ថា ចំនួននេះបើប្រៀបធៀបទៅនឹងឆ្នាំ ២០២៥ ក្នុងរយៈពេលដូចគ្នាកើនឡើង ៩៨៧នាក់ ស្មើនឹង ៥%។

លោកប្រធានមន្ទីរ បន្ថែមថា ចំនួនកើនឡើងនេះបានបង្ហាញថា នេះដោយសារតែប្រទេសជាតិយើងមានសុខសុវត្ថិភាពល្អផ្លូវគមនាគមន៍បានតភ្ជាប់គ្នាស្រួលធ្វើចរាចរណ៍ពីខេត្តមួយទៅខេត្តមួយរួមផ្សំនិងប្រជាពលរដ្ឋមានមធ្យោបាយធ្វើដំណើរផ្ទាល់ខ្លួនច្រើន និងជីវភាពរីកចំរើនផង។

លោកស្រី ណៃ កនិ្នថា រស់នៅស្រុកមេមុត ខេត្តត្បូងឃ្មុំ មកលេងបងប្អូននៅភូមិអូរពងមាន់២ សង្កាត់ស្ទឹងត្រែង បានបញ្ជាក់ដែរថា នេះជាការដើរទន្ទឹមគ្នាព្រោះវិស័យសាធារណៈមានការអភិវឌ្ឍ ហើយប្រទេសជាតិយើងមានសុខសន្តិភាពប្រជាពលរដ្ឋក៍រីករាយនាំគ្នាដើលេងកម្សាន្តសប្បាយ ស្របពេលដែលរាជរដ្ឋាភិបាលបានរៀបចំឱ្យមានរថយន្តដឹកកម្មករ កម្មការនីទៅតាមខេត្តនីមួយៗមិនមានចំណាយថវិកាផង។

សូមបញ្ជាក់ថា ស្របពេលជាមួយគ្នានេះពិនិត្យឃើញថា បរិបទនៃការអភិវឌ្ឍប្រែមុខមាត់ថ្មីក៍ជាកត្តាសំខាន់ក្នុងការទាក់ទាញបានភ្ញៀវទេសចរមកលេកម្សាន្តដែរ ទើបបរិមាណភ្ញៀវមានការកើនឡើងជាងឆ្នាំកន្លងមក៕