ប្រតិកម្មនេះបានធ្វើឡើងនៅថ្ងៃទី២៩ ខែកញ្ញា ឆ្នាំ២០២៦ នេះ បន្ទាប់ពីមានបណ្តាញព័ត៌មានមួយចំនួនបានចុះផ្សាយថា រូបលោកត្រូវ បានតុលាការរដ្ឋ Victoria ចោទប្រកាន់លើករណីដែលបានកើតឡើងកាលពីប៉ុន្មានឆ្នាំមុន នៅកំពង់ផែតំបន់ឆ្នេរសមុទ្រ Mordialloc នៃទីក្រុងមែលប៊ន (Melbourne)។

នៅក្នុងលិខិតបំភ្លឺជូនសាធារណជន លោក សែ សុឃន សូមបដិសេធយ៉ាងដាច់អហង្ការចំពោះការចោទប្រកាន់ទាំងនេះ។ ការចោទប្រកាន់ទាំងនេះ គឺមិនពិតឡើយ»។

លោកបានបន្ថែមទៀតថា៖ «បច្ចុប្បន្នលោកកំពុងរង់ចាំតស៊ូក្តីប្រឆាំងនឹងបទចោទប្រកាន់ទាំងនេះ ដើម្បីការពារភាពស្អាតស្អំ និងកិត្តិយសរបស់ខ្ញុំ។ ដោយសាររឿងកំពុងស្ថិតនៅក្នុងដំណើរការនីតិវិធីរបស់តុលាការ ខ្ញុំសូមមិនផ្តល់អត្ថាធិប្បាយបន្ថែមទៀតនៅពេលនេះទេ»។

យោងតាមប្រភពព័ត៌មានពីសារព័ត៌មានបរទេស បច្ចុប្បន្ន លោក សែ សុឃន កំពុងមានវត្តមាននៅក្នុងប្រទេសអូស្ត្រាលី ដើម្បីរៀបចំខ្លួនតតាំងផ្លូវច្បាប់ ខណៈដែលតុលាការបានកំណត់កាលបរិច្ឆេទបើកសវនាការជំនុំជម្រះលើករណីនេះ នៅខែវិច្ឆិកា ឆ្នាំ២០២៦ ខាងមុខនេះ៕