បើតាមរបាយការណ៍ មូលហេតុនៃគ្រោះថ្នាក់ រួមមាន លើសល្បឿនកំណត់១០២ករណី មិនគោរពសិទ្ធិអាទិភាព៤៦ករណី មិនប្រកាន់ស្តាំ២៤ករណី បត់មិនប្រុងប្រយ័ត្ន១២ករណី ក្រោមឥទ្ធិពលនៃគ្រឿងស្រវឹង៩ករណី បើកបរជែង៨ករណី មិនគោរពសញ្ញាចរាចរណ៍៥ករណី កត្តាយានយន្ត៤ករណី ងងុយដេក១ករណី និងកត្តាផ្លូវថ្នល់ចំនួន ១ករណី។
នាឱកាសបុណ្យកាន់បិណ្ឌ និងភ្ជុំបិណ្ឌ លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញបទបញ្ជាឱ្យផ្អាកការផាកពិន័យបទល្មើសចរាចរណ៍មួយចំនួន។
យ៉ាងណាក៏ដោយ លោក ទូច សុឃៈ អ្នកនាំពាក្យរងក្រសួងមហាផ្ទៃ បានបន្តទទូចឱ្យពលរដ្ឋរក្សាស្មារតីគោរពច្បាប់ និងបើករប្រកបដោយការអធ្យាស្រ័យដល់គ្នា៕