លោក សារាយ គឹមហួល ប្រធានក្រុមអភិរក្សតំបន់រលួស នៃនាយកដ្ឋានអភិរក្សប្រាសាទ និងបុរាណវិទ្យារបស់អាជ្ញាធរជាតិអប្សរា ឱ្យដឹងថា ក្រុមអ្នកជំនាញរបស់អាជ្ញាធរជាតិអប្សរា បានចាប់ផ្តើមគម្រោងជួសជុលប្រាង្គឥដ្ឋលេខ១២ លេខ១៣ និងលេខ១៤ តាំងពីខែឧសភា ឆ្នាំ២០២៦ ហើយគ្រោងនឹងបញ្ចប់នៅចុងឆ្នាំ២០២៦ខាងមុខនេះ។

ស្ថានភាពខូចខាតរបស់ប្រាង្គឥដ្ឋទាំងបីនេះ អស់ពេលជាច្រើនទសវត្សរ៍មកហើយដោយកត្តាអាយុកាល ធម្មជាតិ និងកង្វះការថែទាំរយៈពេលយូរ ដែលប្រាង្គខាងត្បូង (ប្រាង្គលេខ១២) និងប្រាង្គខាងជើង (ប្រាង្គលេខ១៤) បានរងការខូចខាត បាត់រូបរាងចាប់តាំងពីកំពូលរហូតដល់ខឿន។ ចំណែកប្រាង្គកណ្តាល (ប្រាង្គលេខ១៣) ថ្វីត្បិតតែនៅមានរូបរាងស្ទើរតែពេញលេញ ប៉ុន្តែផ្នែកខាងមុខបានរលុះឥដ្ឋមួយផ្នែកធំ រចនាសម្ព័ន្ធទ្វារដួលរលំ និងជញ្ជាំងទាំងបីជ្រុងមានស្នាមប្រេះហែកដែរ។

លោក គឹម ហួល ឱ្យដឹងទៀតថា ចំពោះកិច្ចការដែលត្រូវជួសជុលពង្រឹងប្រាង្គទាំង៣នេះ ឱ្យរឹងមាំឡើងវិញ គឺក្រុមការងារបានសម្អាតកំណកដីទាំងខាងក្រៅ និងខាងក្នុងប្រាង្គទាំងបីនេះ រួចហើយចាប់ផ្ដើមជួសជុលពង្រឹងខឿន ស៊ុមទ្វារ និងរចនាសម្ព័ន្ធជណ្តើរប្រាង្គនីមួយៗ។ ជួសជុលពង្រឹងរចនាសម្ព័ន្ធនានាដែលចុះខ្សោយឱ្យរឹងមាំឡើងវិញ។ បិតកំបោរបាយអការពារជម្រាបទឹក ការពារសត្វល្អិត ព្រមទាំងការពារស្មៅឬរុក្ខជាតិមិនឱ្យដុះតាមផ្ទៃប្រាសាទជាដើម។

ចំណែកនៅប្រាង្គកណ្តាលវិញ ក្រុមការងារក៏បានជួសជុលស៊ុមទ្វារ ហោជាង និងសសរពេជ្រ ដែលបានដួលរលំរាយប៉ាយខុសពីទីតាំង នឹងយកទៅដាក់នៅទីតាំដើមឡើងវិញដែរ។

ក្រោយពីបញ្ចប់ការងារជួសជុល ក្រុមការងារក៏នឹងប្រើដែកក្រៀកបន្ថែមនៅផ្នែកខាងលើរបស់ប្រាង្គឥដ្ឋលេខ១៣