ក្នុងឱកាសអញ្ជើញជាអធិបតីប្រគល់សញ្ញាបត្រជូននិស្សិតសាកលវិទ្យាល័យ សៅស៍អ៊ីសថ៍អេយសៀ នៅខេត្តសៀមរាប នាព្រឹកថ្ងៃទី២១ ខែកក្កដា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់ថា អ្នកវិភាគមួយចំនួនបានរិះគន់រាជរដ្ឋាភិបាល និងថ្នាក់ដឹកនាំកងទ័ព ពាក់ព័ន្ធនឹងវិធីសាស្ត្រដោះស្រាយបញ្ហាព្រំដែនកម្ពុជា-ថៃ។

សម្តេចធិបតីបានលើកឡើងថា អ្នកដែលបញ្ចេញមតិ ឬធ្វើការវិភាគ គួរតែមានចំណេះដឹង និងជំនាញពាក់ព័ន្ធជាក់លាក់ មិនគួរអះអាងលើសពីការពិត ឬមើលងាយអ្នកដទៃឡើយ។

សម្តេចធិបតីមានប្រសាសន៍ថា វិភាគតែកុំមើលងាយគេ អ្នកឯងបញ្ចេញមតិចុះ។ ការវិភាគត្រូវមានមូលដ្ឋាន និងការទទួលខុសត្រូវ។

សម្តេចធិបតីបានបញ្ជាក់បន្ថែមថា អ្នកវិភាគដែលមានតួនាទីផ្តល់យោបល់ដល់សាធារណជន គួរតែផ្អែកលើទឡ្ហីករណ៍ ចំណេះដឹង និងព័ត៌មានច្បាស់លាស់ ដើម្បីបង្កើនភាពជឿជាក់ និងការយល់ដឹងត្រឹមត្រូវដល់ប្រជាពលរដ្ឋ៕