សម្តេចធិបតីទទួលស្គាល់ថា ឥឡូវទឹកជំនន់ឡើងច្រើន ឆ្នាំនេះ ទឹកទន្លេមេគង្គឡើងខ្ពស់មាន៧ខេត្តនិងរាជធានី ប៉ុន្មានឆ្នាំហើយទឹកមិនឡើងដល់កម្រិតហានិភ័យ ឥឡូវឆ្នាំនេះឡើងដល់កម្រិតប្រកាសអាសន្ន”។
ជាមួយនឹងការជន់លិចនៅខេត្តមួយចំនួននេះ សម្តេចធិបតីបានស្នើក្រសួងស្ថាប័ន និងអាជ្ញាធរពាក់ព័ន្ធត្រូវរួមគ្នាត្រៀមបង្ការជួយសង្គ្រោះប្រជាពលរដ្ឋនៅពេលមានគ្រោះធម្មជាតិជាយថាហេតុណាមួយកើតមានឡើង ។
ក្នុងនោះត្រូវផ្តោតសំខាន់លើអាយុជីវិតរបស់ប្រជាពលរដ្ឋជាធំ ។
ជាមួយគ្នានេះដែរ សម្តេចធិបតីនាយករដ្ឋមន្រ្តីក៏បានស្នើកងកម្លាំងប្រដាប់អាវុធគ្រប់ប្រភេទក៏ត្រូវចូលរួមចំណែកត្រៀមជួយអន្តរាគមន៍គ្រប់ទីកន្លែងនៅទូទាំងប្រទេស ក្នុងពេលមានគ្រោះទឹកជំនន់ទន្លេមេគង្គកើតឡើងផងដែរ ៕