ប្រជាពលរដ្ឋរាយការណ៍ថា ខណៈអាជា្ញធរទូទាំងរាជធានី ខេត្តចាប់ផ្ដើមចុះអនុវត្តបទបញ្ជានាយករដ្ឋមន្រ្ដី ទីតាំងល្បែងអនឡាញខ្លះនៅតែផ្គើន ពោលហាក់មិនខ្លាចបារមីអាជា្ញធរសូម្បីបន្តិច ។
ពលរដ្ឋបានប្រាប់Cam Post នៅរសៀលថ្ងៃទី២៤ មីនានេះថា មានផ្ទះមួយកន្លែង ស្ថិតនៅលើផ្លូវ៤៦៨ ភូមិចំការឪឡឹក សង្កាត់កាកាប២ ខណ្ឌពោធិ៍សែនជ័យ មានលួចលាក់បើកល្បែងភ្នាល់បាល់ការ៉ាត់ ជល់មាន់ និងឡូតូ ដែលមានម្ចាស់ឈ្មោះ ប៊ុនធឿន និងកាងនៅពីក្រោយ ឈ្មោះ រ៉ាម៉ន ។ ទីតាំងនេះទំនងជា អាជា្ញធរមិនបានដឹងទេ បានជាអ្នកល្មើសនៅតែផ្គើន ឬមួយម្ចាស់ទីតាំងមានបារមីខ្ពស់ ។ ពលរដ្ឋរំពឹងថា អាជា្ញធរនឹងបោសសម្អាតឱ្យអស់ដើម្បីសុខសុវត្ថិភាពក្នុងមូលដ្ឋាន និងភូមិឃុំមានសុវត្ថិភាព ៕