យោងតាមគណនីហ្វេកប៊ុកផ្លូវការរបស់សម្ដេចតេជោ ហ៊ុន សែន ប្រធានព្រឹទ្ធសភា នាថ្ងៃទី១៨ ខែកុម្ភៈ ឆ្នាំ២០២៦នេះថា សម្ដេចទទួលបានរូបថតមួយសន្លឹកដែល លោក លី សៀវឡុង អតីតនាយករដ្ឋមន្ត្រីសិង្ហបុរីបង្ហោះរំលឹកខួប១០ឆ្នាំនៃការប្រជុំអាស៊ាន-អាមេរិក(17.2.2016.17.2.2026) ដែលអតីតប្រធានាធិបតីអាមេរិក បារ៉ាក់ អូបាម៉ាធ្វើជាម្ចាស់ផ្ទះ។
សម្ដេចតេជោនៅចាំបានថាពេលនោះលោក លី សៀវឡុងជាអ្នកថតនិងបង្ហោះលើគណនីFacebook របស់គាត់។ សម្ដេចតេជោនិយាយតាមត្រង់ពេលនោះ មេដឹកនាំអាស៊ានពិតជាមានការស្រឡាញ់រាប់អានគ្នាខ្លាំងណាស់។
ក្នុងចំណោមនាយករដ្ឋមន្ត្រីទាំង៤នាក់នេះ សម្ដេចតេជោមានអាយុតិចជាងគេ និងលោកថោង លន់(ឡាវ)អាយុច្រើនជាងគេ។ សម្ដេចតេជោសូមផ្តាំសួរសុខទុក្ខថ្នាក់ដឹកនាំទាំង៣រូបនិងសូមអរគុណលោក លី សៀវឡុងដែលបានចែករំលែក រូបថតនេះដល់ពួកយើង៕