នៅថ្ងៃទីមួយ ក្រុមអ្នកជំនាញការអន្ដរជាតិ រួមនិងទាំងអ្នកជំនាញរបស់អាជ្ញាធរជាតិអប្សរា បានចុះពិនិត្យការងារជួសជុលការដ្ឋានមួយចំនួន ដូចជាគម្រោងជួសជុលប្រាសាទភ្នំក្រោម ប្រាសាទបក្សីចាំក្រុង ប្រាសាទតាព្រហ្ម ដែលនៅតាមការដ្ឋាននីនួយៗអ្នកជំនាញការស្ដាប់ការធ្វើបទបង្ហាញពីក្រុមការងារជួសជុល ក៏ដូចជាការផ្តល់អនុសាសន៍បន្ថែមដល់ការងារទាំងនោះឱ្យកាន់តែល្អប្រសើរ។ល។

សូមបញ្ជាក់ថា ក្រុមអ្នកជំនាញការអាដហុក តែងធ្វើមុននឹងមានកិច្ចប្រជុំធំរបស់គណៈកម្មាធិការអន្ដរជាតិអាយស៊ីស៊ី-អង្គរ/សំបូរព្រៃគុក ដែលធ្វើឡើងរយៈពេលពីរដងក្នុងមួយឆ្នាំ។ កិច្ចប្រជុំបច្ចេកទេសលើកទី៤១ និងកិច្ចប្រជុំពេញអង្គលើកទី៣២ របស់គណៈកម្មាធិការនេះ គ្រោងធ្វើនៅថ្ងៃទី១១-១២ ខែធ្នូ ឆ្នាំ២០២៥ ខាងមុខ នាសណ្ឋាគារសូហ្វីតែល អង្គរ ភូគីត្រា៕