យោងតាមដីការបស់តុលាការបានឱ្យដឹងថា ជនសង្ស័យឈ្មោះ ចាន់ សៀងសេង ហៅ ទី ភេទប្រុស អាយុ៣០ឆ្នាំ ជនជាតិខ្មែ មានអាសយដ្ឋាន ផ្ទះលេខ១១៦អី១ ផ្លូវ៥៣ ភូមិ៤ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ ត្រូវតុលាការចេញដីកាជាលើកទី២ ឱ្យចូលខ្លួននៅថ្ងៃទី១០ ខែវិចិ្ឆការឆ្នាំ២០២៥ វេលាម៉ោង៩ព្រឹក ដើម្បីសួរយកចម្លើយ ។

នៅក្នុងដីកានោះបានបញ្ជាក់ថា តុលាការដែលចេញដីកាកោះហៅជាលើកទី២ ពីបទ «មិនបំពេញកាតព្វកិច្ចចំពោះឧបករណ៍អាចជួញដូរបាន» (ជំពាក់លុយជនរងគ្រោះ៥ម៉ឺនដុល្លារ) ប្រព្រឹត្តនៅរាជធានីភ្នំពេញ កាលពីថ្ងៃទី២៦ ខែមករា ឆ្នាំ២០២៤ តាមបញ្ញត្តិមាត្រា២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តិការទូរទាត់សងប្រាក់ ។ តាមបញ្ញត្តិមាត្រា៣៧៧ និង៣៧៨ នៃក្រមព្រហ្មទណ្ឌ  បង្គាប់មក ឈ្មោះ ចាន់ សៀងសេង ហៅ ទី ភេទប្រុស អាយុ៣០ឆ្នាំ ជនជាតិខ្មែរ ឱ្យចូលមកកាន់ សាលាដំបូងរាជធានីភ្នំពេញ (សាលាយុត្តិធម្ម)” ចៅក្រមបន្ទប់“ឆ” ជាន់ទី៤ ៕