សម្តេចធិបតី និងលោកជំទាវបណ្ឌិត បានផ្តល់អំណោយគ្រឿងសម្ភារៈសំណង់ ជូនដល់កងពលធំអន្តរាគមន៍លេខ២
ថ្ងៃទី ៖ 10-07-2024, ដោយ Dara007 , 46 Views
ខេត្តសៀមរាប ៖ សម្តេចធិបតី និងលោកជំទាវបណ្ឌិត បានផ្តល់អំណោយគ្រឿងសម្ភារៈសំណង់ ជូនដល់កងពលធំអន្តរាគមន៍លេខ២ នៅខេត្តសៀមរាប ដើម្បីត្រៀមសម្រាប់ធ្វើកិច្ចការងារមនុស្សធម៌ក្នុងការបែងចែកជូនដល់អតីតយុទ្ធជន គ្រួសារយោធិន និងប្រជាពលរដ្ឋក្នុងមូលដ្ឋានដែលមានជីវភាពខ្វះខាត ជាពិសេសប្រជាពលរដ្ឋដែលជួបគ្រោះមហន្តរាយផ្សេងៗ។
នាថ្ងៃទី១០ ខែកក្កដា ឆ្នាំ២០២៤ ឧត្ដមសេនីយ៍ឯក កែវ ធី មេបញ្ជាការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ២ បានទទួលជាតំណាងក្នុងការទទួលគ្រឿងសម្ភារៈសំណង់ផ្សេងៗដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត សម្រាប់ធ្វើការងារមនុស្សធម៌ចែកជូនដល់អតីតយុទ្ធជន គ្រួសារយោធិន និងប្រជាពលរដ្ឋក្នុងមូលដ្ឋានដែលមានជីវភាពខ្វះខាត ជាពិសេសប្រជាពលរដ្ឋដែលជួបគ្រោះមហន្តរាយផ្សេងៗ ដូចជា អគ្គីភ័យ ខ្យល់ព្យុះ ខ្យល់កន្ត្រាក់ ដោយបានប្រគល់ដោយផ្ទាល់ពី លោកនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី។
|