|
តំណាងចែកចាយប្រេងPTTនៅកម្ពុជា ត្រៀមបង្កើតស្លាកយីហោរបស់ខ្មែរ បន្ទាប់ពីរួមគ្នារំលាយកិច្ចសន្យារបស់ថៃ
ថ្ងៃទី ៖ 03-08-2025, ដោយ Admin , 217 Views
ភ្នំពេញ : មិនយូរនោះទេ ស្លាកយីហោថ្មី ជំនួសប្រេងឥន្ទនៈ ភីធីធី នៅកម្ពុជា នឹងលេចចេញជារូបរាង បន្ទាប់ពីម្ចាស់អាជីវកម្មប្រេងរបស់ថៃតំណាងនៅកម្ពុជាគ្រោងរំលាយកិច្ចសន្យាចោល ។
កូនប្រុសសម្ដេចទៀ បាញ់ លោក ទៀ ស្យាម នៅថ្ងៃទី៣ ខែសីហា ឆ្នាំ២០២៥ បានបង្ហោះសំណេរថា “ស្លាកត្រូវតែទម្លាក់ ផ្លូវច្បាប់ត្រូវតែគិត” ។
លោកបញ្ជាក់ទៀតថា ម្ចាស់អាជីវកម្មទិញសិទ្ធិប្រេនប្រេងឥន្ទនៈ ភីធីធី (ខេមបូឌា) ភាគច្រើន បានសម្រេចចិត្តប្រគល់សិទ្ធិជូនខ្ញុំ ជាតំណាងផ្លូវការដើម្បីរំលាយកិច្ចសន្យាតំណាងចែកចាយរវាងម្ចាស់ស្ថានីយប្រេងឥន្ធនៈ ភីធីធី និងក្រុមហ៊ុន PTT Cambodia ។ ព្រមទាំងរួបរួមកម្លាំងសម្រេចចិត្តបង្កើតប្រេនថ្មី ប្រេនខ្មែរ ជាស្នាដៃបង្កើតដោយកូនខ្មែរ ដែលមានកំរិតស្តង់ដាខ្ពស់។ ក្នុងស្មារតីស្រលាញ់ជាតិខ្មែរ សូមបងប្អូនចូលរួមគាំទ្រប្រេនថ្មីដែលនឹងមកឆាប់ៗនេះ ៕
|